सुर्खेतमा नेपाली सेनाद्वारा सैन्य सामग्री प्रदर्शन

सुर्खेत । नेपाली सेनाले पहिलोपटक सुर्खेतमा हतियार तथा अन्य सामग्रीहरु प्रदर्शन गरेको छ ।
नेपाली सेना र नागरिकहरुविचको सम्वन्ध मजवुत बनाउने र नेपाली सेनाको विगत र हालको अवस्थाबारे जानकारी दिने उदेश्यले प्रदर्शन गरिएको हो।

नेपाली सेनाले विकास निर्माण, विपद् व्यवस्थापन, समयानुकल अवलम्बन गर्दै आएको सुरक्षा रणनीति तथा हतियारहरु बारे जानकारी दिन प्रदर्शनी शुरु गरेको छ ।
उत्तरपश्चिम पृतना हेडक्वार सुर्खेतको आयोजनामा कालिबक्स दल गण एयरपोर्टमा सेनाले विविध सामग्रीहरु प्रदर्शनीमा राखेको हो । विद्यार्थीहरुलाई सेनाले गर्दै आएको अभ्यासका बारेमा जानकारी दिनु प्रदर्शनीको मुख्य उदेश्य रहेको उत्तरपश्चिम पृतना हेडक्वार सुर्खेतका उपरथि सरोजप्रताप राणाले जानकारी दिए ।
उहाँले तीनदिनसम्म चल्ने प्रदर्शनीले सेना र नागरिकविचको सम्बन्ध अझै नजिक बनाउने अपेक्षा राखेको बताए । नेपाली सेनाले गर्दै आएको हरेक गतिविधिबारे आम नागरिकलाई प्रत्यक्ष रुपमा जानकारी दिन सेनाले पहिलो पटक प्रदर्शनी गरेको जनाएको छ ।
सेनाका गतिविधिबारे जानकार रहेपनि प्रत्यक्ष रुपमा अवलोकन गर्न पाएकोमा विद्यार्थीहरु उत्साहित छन् । असार १ गतेसम्म जारी रहने प्रदर्शनीमा नेपाली सेनाका विभिन्न प्रकारका हतियार, सैन्य तालिम, सैन्य सामग्री राखिएको छ ।